محمود مرجعنا الأبي ..
http://www.gulfup.com/?YOw29h
محمود مرجعنه الأبي
هذا العراقي العربي
اليوم شع النور
والكون بيه مسرور
مقتفي آثار النبي
محمود مرجعنه الأبي
..........
يا إبن فاطم يا شبل جدك كريم البيت
نعم السلالة والحسب بيكم يلوك الصيت
اليوم آني بمولدك فرحان وإتغنيت
كون الإله إيمن علي ولبيعتك وفّيت
وأبقه مناصر للأبد
يا ربي إلك هذا العهد
ثابت أظل للدوم
والموت للي يلوم
امشي بطريقك لو حبي
محمود مرجعنه الأبي
..........
فخر المراجع والعلم محمود والينه
اوجب الباري طاعتك يل الأعلم بدينه
يل بيك عطر المنتظر و الحجة مهدينه
نرفع اليوم بهالجمع للباري إيدينه
احفظ الصرخي وحوزته
أيّد وسدد رميته
وباركله بالأنصار
اتعينه بأخذ الثار
ويسبي الظلم وأهله سبي
محمود مرجعنه الأبي
..........
تعلمنه منك سيدي أحلى واجل غايات
للدين ننصر للأبد بالسهلة والكلفات
نبقه نواصل بالوعي والخلق والطاعات
ميهزنه ظلم المعتدي والخوف والشبهات
والجور بينه شما كثر
نزداد باصلاح البشر
وانمهد بكل حين
ما نبقه مكتوفين
هذا مراده اليعربي
محمود مرجعنه الأبي
..........
لازم نواصل بالفهم والعمل بالتكليف
حسب التريده المرحلة وشما يكون السيف
وانبادر النصرة ونجي من دون أي تسويف
وما ننسه دور الخاتمه لو صادقه لو زيف
بيناتنه نُصح وسند
والمولى وصّه بالجسد
انفهمه ونباريه
نفرحله ونواسيه
مو كال ابن أمي وأبي
محمود مرجعنه الأبي
ليلة السابع والعشرين من رجب الأصب
ذكرى ولادة سماحة السيد الحسني دام ظله
لسماع القصيدة بصوت الرادود احمد العلاك
افتح رابط التحميل واذهب الى : اضغط هنا لتنزيل الملف
3/أبريل /2013
القلم النَدِيّ
أثير فرات الربيعي
ليست هناك تعليقات:
إرسال تعليق